NYS ന്‍റെ പ്രവര്‍ത്തനങ്ങള്‍ക്ക് തുടക്കമായ്.തച്ചന്കോട് ശ്രീകൃഷ്ണ വിലാസം NSS കരയോഗ മന്ദിരത്തില്‍ വച്ച് നടന്ന പൊതുയോഗത്തില്‍ NSS വിതുര മേഖല കണ്‍വിനര്‍ ശ്രീ വിശ്വംഭരന്‍ നായര്‍ തുടക്കം കുറിച്ചു. കേരള ചരിത്രത്തില്‍ ഇടം നേടുന്നതാവും NYS ന്‍റെ രൂപീകരണമെന്നു അദ്ദേഹം പ്രസംഗത്തില്‍ പറഞ്ഞു.അവകാശങ്ങള്‍ക്ക് വേണ്ടി പോരാടുമ്പോഴും,.സമുദായത്തിന്‍റെ മൂല്യങ്ങളും ഇതര സമുദായങ്ങളോടുള്ള സൌഹാര്‍ദം കാത്തു സൂക്ഷിക്കണമെന്നും അദ്ദേഹം യുവജനങ്ങള്‍ക്ക്‌ ഉപദേശം നല്‍കി . തച്ചന്കോട് ശ്രീ വേലായുധന്‍ സ്വാമി നിലവിളക്ക് തെളിയിച്ച് പൊതുയോഗം ആരംഭിച്ചു.
മാറി മാറി വരുന്ന സര്‍ക്കാരുകളുടെ അവഗണനകള്‍ നായര്‍ സമുദായത്തെ ദരിദ്രരില്‍ ദാരിദ്രരാക്കി മാറ്റുകയെനെന്നു,ചടങ്ങിനു അധ്യക്ഷത വഹിച്ച NYS ആക്ടിംഗ് പ്രസിഡന്‍ട് ശ്രീകുമാര്‍ പറഞ്ഞു .യോഗത്തിന് NYS വൈസ് പ്രസിഡന്‍ട് കൃഷ്ണശന്കര്‍ സ്വാഗതം ആശംസിച്ചു.നായര്‍ സമുദായം ഒട്ടകെട്ടായ് അവകാശങ്ങള്‍ക്ക് വേണ്ടി പ്രത്യക്ഷ സമരങ്ങള്‍ നടത്തണമെന്നും ,ആ സമരങ്ങള്‍ക്ക് NYS നേതൃത്വം നല്‍കുമെന്നും യോഗത്തില്‍ സംസാരിച്ച സംഘടന ആക്ടിംഗ് സെക്രട്ടറി വേണുഗോപാല്‍ പറഞ്ഞു.എല്ലാ നായര്‍ വീടുകളിലും സംഘടനയുടെ പ്രവര്‍ത്തനങ്ങള്‍ എത്തുന്ന തരത്തില്‍ പുതിയ രീതിയിലാവും NYS ന്‍റെ പ്രവര്‍ത്തനമെന്നും ,സമുദായത്തില്‍ പിന്നോക്കം നില്‍ക്കുന്നവര്‍ക്ക് വേണ്ട സഹായങ്ങള്‍ നല്‍കുന്നതില്‍ ശ്രദ്ധിക്കുമെന്നും അദ്ദേഹം കൂട്ടിച്ചേര്‍ത്തു.സംഘടനക്കു NSS കരയോഗം എക്സികുടിവ് അംഗം ഡി .വേലായുധന്‍ നായര്‍ ,സദാശിവന്‍ നായര്‍ എന്നിവര്‍ ആശംസകള്‍ നേര്‍ന്നു.
